Guðni Ólafur GuðnasonBændaglímu frestað til sunnudags
Sökum vinds- og vatnsveðurs hefur mótanefnd ákveðið að fresta bændaglímunni til morgunus, sunnudags.
Hefjum leik kl 15.30, mæting 15.00
Sökum vinds- og vatnsveðurs hefur mótanefnd ákveðið að fresta bændaglímunni til morgunus, sunnudags.
Hefjum leik kl 15.30, mæting 15.00
HG mótið var haldið um síðustu helgi, en mótið er lokamót Sjávarútvegsmótaraðarinnar í golfi á Vestfjörðum. Í mótinu er keppt á golfvöllum á Vestfjörðum: Vesturbotnsvelli á Patreksfirði, Litlueyrarvelli á Bíldudal, Syðridalsvelli í Bolungarvík og Tungudalsvelli í Ísafjarðarbæ. Það eru fyrirtæki í sjávarútvegi og fiskeldi sem eru stuðningaðilar mótaraðarinnar. Fyrirtækin eru:
Mótaröðinni lýkur venjulega á Tungudalsvelli með tveggja daga móti, HG mótinu. Að þessu sinni var mótið skorið niður í einn dag, enda veðurspá slæm og útlit fyrir slagviðri á laugardeginum. Mótið var því klárað á sunnudegi, og óhætt að segja að veðrið hafi verið alls konar, en þó bærilegt fyrir golfara, hlýtt en skúraleiðingar annað slagið.
Fjörutíu golfarar voru mættir til leiks á sunnudagsmorgun, en keppt var bæði í punktakeppni og höggleik. Keppendur komu frá Vestfjörðum og einnig voru gestir komnir lengra frá.
Sigurvegari í höggleik í kvennaflokki var Bjarney Guðmundsdóttir á 86 höggum, Ásdís Birna Pálsdóttir í öðru sæti á 88 höggum og Björg Sæmundsdóttir í þriðja sæti á 89 höggum.
Í karlaflokki sigraði Páll Birkir Reynisson á 72 höggum, Flosi Valgeir Jakobsson var í öðru sæti á 76 höggum og Baldur Ingi Jónasson í þriðja sæti á 80 höggum.
Í unglingaflokki sigraði Haukur Fjölnisson.
Í punktakeppni sigraði Brynja Haraldsdóttir á 40 punktum, Ásdís Birna Pálsdóttir í öðru sæti á 39 punktum og Jakob Tryggvason var í þriðja sæti á 39 punktum.
Sigurvegari í Sjávarútvegsmótaröðinni var Flosi Valgeir Jakobsson.
Það er gaman að segja frá því að sigurvegari í kvennaflokki, Bjarney Guðmundsdóttir er amma sigurvegarans í karlaflokki, Páls Birkis Reynissonar. Það var einmitt amman sem kenndi barnabarninu golf á sínum tíma hér á Tungudalsvelli, og hefur skilað sér í afburða golfara í dag. Það er einmitt þannig með golfið að það er mjög fjölskylduvænt, og ekki óalgengt að ungir golfarar njóti leiðsagnar og félagskapar afa og ömmu við að tileinka sér þessa dásamlegu íþrótt. Fljótlega fer ungviðið fram úr gömlu brýnumun, en þau halda hins vegar áfram að njóta félagskapar hvors annars, og spila saman golf. Forgjafarkerfið gefur möguleika á að keppa hvor við annað, þó munur sé á getu í golfi, og er einmitt töfrar þessarar íþróttar. Bjarney og Páll Birkir voru einmitt saman í holli, ásamt Óla Reyni afa meistarans.
HG mótið var haldið um síðustu helgi, en mótið er lokamót Sjávarútvegsmótaraðarinnar í golfi á Vestfjörðum. Í mótinu er keppt á golfvöllum á Vestfjörðum: Vesturbotnsvelli á Patreksfirði, Litlueyrarvelli á Bíldudal, Syðridalsvelli í Bolungarvík og Tungudalsvelli í Ísafjarðarbæ. Það eru fyrirtæki í sjávarútvegi og fiskeldi sem eru stuðningaðilar mótaraðarinnar. Fyrirtækin eru:
Mótaröðinni lýkur venjulega á Tungudalsvelli með tveggja daga móti, HG mótinu. Að þessu sinni var mótið skorið niður í einn dag, enda veðurspá slæm og útlit fyrir slagviðri á laugardeginum. Mótið var því klárað á sunnudegi, og óhætt að segja að veðrið hafi verið alls konar, en þó bærilegt fyrir golfara, hlýtt en skúraleiðingar annað slagið.
Fjörutíu golfarar voru mættir til leiks á sunnudagsmorgun, en keppt var bæði í punktakeppni og höggleik. Keppendur komu frá Vestfjörðum og einnig voru gestir komnir lengra frá.
Sigurvegari í höggleik í kvennaflokki var Bjarney Guðmundsdóttir á 86 höggum, Ásdís Birna Pálsdóttir í öðru sæti á 88 höggum og Björg Sæmundsdóttir í þriðja sæti á 89 höggum.
Í karlaflokki sigraði Páll Birkir Reynisson á 72 höggum, Flosi Valgeir Jakobsson var í öðru sæti á 76 höggum og Baldur Ingi Jónasson í þriðja sæti á 80 höggum.
Í unglingaflokki sigraði Haukur Fjölnisson.
Í punktakeppni sigraði Brynja Haraldsdóttir á 40 punktum, Ásdís Birna Pálsdóttir í öðru sæti á 39 punktum og Jakob Tryggvason var í þriðja sæti á 39 punktum.
Sigurvegari í Sjávarútvegsmótaröðinni var Flosi Valgeir Jakobsson.
Það er gaman að segja frá því að sigurvegari í kvennaflokki, Bjarney Guðmundsdóttir er amma sigurvegarans í karlaflokki, Páls Birkis Reynissonar. Það var einmitt amman sem kenndi barnabarninu golf á sínum tíma hér á Tungudalsvelli, og hefur skilað sér í afburða golfara í dag. Það er einmitt þannig með golfið að það er mjög fjölskylduvænt, og ekki óalgengt að ungir golfarar njóti leiðsagnar og félagskapar afa og ömmu við að tileinka sér þessa dásamlegu íþrótt. Fljótlega fer ungviðið fram úr gömlu brýnumun, en þau halda hins vegar áfram að njóta félagskapar hvors annars, og spila saman golf. Forgjafarkerfið gefur möguleika á að keppa hvor við annað, þó munur sé á getu í golfi, og er einmitt töfrar þessarar íþróttar. Bjarney og Páll Birkir voru einmitt saman í holli, ásamt Óla Reyni afa meistarans.
Mótanefnd hefur ákveðið að fella niður fyrri leikdag í HG mótinu leika eingöngu 18 holur á sunnudegi.
Rástímar mun halda sér, færast frá laugardegi yfir til sunnudags.
Stigagjöf verður því eins og um eins dags mót verður að ræða og mótsgjald verður kr. 4.500
Nú fer að draga til tíðinda í hinum ýmsu mótaröðum. Hörð barátta er í Hamraborgarmótaröðini. Ásdís Pálsdóttir leiðir með 3 punktum á næsta mann sem er hennar Villi Matt, stefnir í fjölskylduerjur. 9 punktar niður í 5 sæti. Nú getur allt gerst þar sem 9 bestu mótin telja og nú eru einir 13 kylfingar komnir með þann kvóta. Nú er bara að skora vel og henda út slæmum hring. Stöðuna í mótaröðinni má nálgast hér undir mót:
https://golfisa.is/klubburinn/skrar_og_skjol/skra/39/
Athugið að við hefjum leik núna kl. 18.00.
Svo er það Sjávarútvegsmótaröðin. Lokamótið er á dagskrá nú um komandi helgi, tveggja daga mót. Veðurspáin er ekki kræsileg og er möguleiki í stöðunni að fresta leik til sunnudags og breyta móti í eins dags mót. Þá myndu stigin vera eins og í eins dags móti eins og reglugerðin segir og mótsgjald lækka einnig. Mótanefnd mun senda út tilkynningu á föstudag hvernig þetta verður, biðjum kylfinga að fylgast með.
Staðan í mótaröðinni er spennandi, margir eiga möguleika á sigri í höggleig karla og kvenna, punktakeppninni sem og unglingaflokki. Munið að 6 bestu mótin telja þannig að ansi margir eiga möguleika. Stöðu í öllum flokkum má finna hér inni á síðunni:
Sveit GÍ 50 ára og eldri endaði í 2. sæti í 3. deildinni
Úrslitaleikurinn um að fara upp í 2. deild fór fram í miklu slagveðri og réðust úrslit ekki fyrr en á 18 holu í 2 leikjum af þremur. Vissulega endaði leikurinn 3-0 en ekki hefði mikið þurft til að leikirnir hefðu unnist.
Frábær árangur hjá sveitinni okkar.
Hér má sjá umfjöllun á golf.is um mótið og úrslit í einstökum leikjum:
https://www.golf.is/islandsmot-golfklubba-2023-50-golfklubbur-fjallabyggdar-sigradi-i-3-deild-karla/
Nú er í gangi Íslandsmót í sveitakeppni 50 ára og eldri. Ísfirðingar senda sveit þetta árið eins og síðastliðin tvö ár.
Sveitina skipa
Baldur Ingi Jónasson
Einar Gunnlaugsson
Guðni Guðnason
Karl Ingi Vilbergsson
Sigurður Samúelsson
Skemmst er frá því að segja að árangur er stórkostlegur. Sveitin hefur spilað 4 leiki og unnið þá alla og leikur til úrslita um að fara upp í 2. deild gegn gríðarsterku liði Fjallabyggðar eldsnemma í fyrramálið, leikur hefst kl. 07.00 á laugardagsmorgni.
Fyrsti leikur var á fimmtudag gegn heimamönnum í Hveragerði. Vannst sá leikur 2-1.
Næsti andstæðingur var Kiðjaberg sem við unnum einnig 2-1.
Þriðji leikur var gegn Grindavík og venju samkvæt vann GÍ 2-1
Þá var ljóst að sveitin myndi leika til úrslita um að fara upp í 2. deild. Næsti leikur var þá gegn Selfossi sem enduðu í 2. sæti í hinum riðlinum en einn riðill var leikinn í Hveragerði og annar á Selfossi.
GÍ vann að sjálfsögðu 2-1 og leikur til úrslita gegn Fjarðarbyggð um að fara upp.
Úrslit úr einstökum leikjum má nálgast hér á heimasíðu GSÍ:
VÍS mótið í golfi var haldið laugardaginn 5. ágúst á Tungudalsvelli. Mótið var paramót, og nokkuð um að hjón væru saman í liði, en alls ekki einleikið. Þetta var punktakeppni með forgjöf og gilti sameiginlegt skor hjá báðum aðilum. Ræst var út á öllum teigum enda 56 manns mætt til leiks.
Sigurvegarar í mótinu voru Hákon Hermansson og Pétur Már Sigurðsson, á 48 punktum. Í öðru sæti með sama punktafjölda voru Óttar Guðjónsson og Kormákur Geirharðsson. Þriðja sætið vermdu Unnsteinn Sigurjónsson og Ólafur Ragnarsson.
Það er óhætt að segja að veðrið lék við keppendur, enda margir mættir á stuttbuxum og ermalausum bol. Það var svona spænsk stemming yfir Tungudalsvelli.
Arctic Fish mótið í golfi var haldið á Tungudalsvelli sunnudaginn 23. júlí. Loksins var logndrífa og ládauður sjór, en vindasamt hefur verið hjá kylfingum í sumar. Spilað var í 12 stiga hita, frekar rakt og hálfgerð súld á köflum, en milt og gott golfveður. Það voru 43 þátttakendur sem tóku þátt í mótinu.
Arctic Fish er einn af helstu stuðningsmönnum Golfklúbbs Ísafjarðar og er golfmótið hluti af Sjávarútvegsmótaröðinni. Jakob Valgeirs mótið var haldið á Syðridalsvelli daginn áður, en það er einnig hluti af sömu mótaröð.
Sigurvegari í karlaflokki var Gunnsteinn Jónsson, en hann fór 18 holurnar á einum undir pari vallarins, á 71 höggi. Flosi Valgeir Jakobsson var í öðru sæti á 75 höggum, og Chatchai Phohtiya í þriðja sæti á 77 höggum. Í kvennaflokki sigraði Bjarney Guðmundsdóttir á 90 höggum, Björg Sæmundsdóttir var í öðru sæti á 92 höggum og Brynja Haraldsdóttir í þriðja sæti á 94 höggum.
Í unglingaflokki sigraði Haukur Fjölnisson, Guðmundur Einarson í var í öðru sæti og Grétar Nökkvi Traustason í þriðja sæti.
Í punktakeppni með forgjöf sigraði Gunnsteinn Jónsson með 42 punkta, Einar Guðmundsson var í örðu sæti með 42 punkta og Sigurgeir Einar Karlsson var í þriðja sæti með 40 punkta.
Eftir mót helgarinnar eru þessi efst í Mótaröðinni. Flosi Jakobsson er efstur í karlaflokki, Sólveig Pálsdóttir í kvennaflokki, Guðmundur Einarsson í unglingaflokki og Chatchai Phothiya í punktakeppninni. Ljóst að allt getur gerst í lokamótinu, HG mótinu sem fram fer í byrjun september. Stöðuna í hverjum flokki má finn hér á síðunni undir mót, eða bara hér.
Mikil umferð hefur verið á Tungudalsvelli og einnig á Efri Tungudalsvelli. Báðir vellirnir skarta sínu fegursta og hafa komið vel undan vetri. Næstkomandi laugardag verður Landsbanka mótið í Tungudalsvelli og allri sem geta valdið kylfu eru hvattir til að koma og taka þátt. Gott að mæta fyrst á vikulegt fimmtudagsmót sem hefst kl. 18:30 á fimmtudaginn.
Gunnar Þórðarson
