Fréttir

image

Línur að skýrast í Sjávarútvegsmótaröðinni

Tvö mót fóru fram í Sjávarútvegsmótaröðinni um helgina, Jakob Valgeir í Bolungarvík og Arctic Fish á Patreksfirði.

Mjög góð þátttaka var í Jakobs Valgeirs mótinu en 77 keppendur tóku þátt, fjölmennasta mótið í mörg ár.

 

Sigurvegara og árangur keppenda má sjá hér:

https://golfbox.dk/livescoring/tour/?language=1039#/competition/4523112/results

 

Arctic Fish mótið fór fram á Vesturbotnsvelli í dag sunnudag, úrslit má finna hér:

https://golfbox.dk/livescoring/tour/?language=1039#/competition/4492076/results

 

Þá eru 7 mót búin í mótaröðinni og aðeins eitt eftir, HG mótið sem fer fram á Ísafirði 31. ágúst.

 

Töluverð spenna er í flestum flokkum og margt getur gerst í lokamótinu.

Í karlaflokki leiðir Julo Thor Rafnsson með 7.082 stig og Baldur Ingi Jónasson skammt á eftir með 6.802 stig og nokkrir skammt þar á eftir.  Margt getur því enn gerst.

Bjarney Guðmundsdóttir leiðir kvennaflokkinn, er með 8.257 stig.  Ásdís Birna Pálsdóttir kemur næst með 7.072 stig og Bjarney þannig með nokkuð örugga forystu fyrir lokamótið.  Sólveig Pálsdóttir kemur skammt á eftir Ásdísi, spenna um hver endar í 2. sæti.

Unglingaflokkinn leiðir Pétur Arnar Kristjánsson með yfirburðum og búinn að vinna.  Hann er kominn með 8.550 stig, næsti maður með 3.615 stig og sigurinn í mótaröðinni því í höfn.

Mikil spenna er hins vegar í punktakeppninni.  Baldur Ingi Jónasson leiðir, er með 4.023 stig, Viktor Páll Magnússon kemur næstur með 3.450 stig og margir kylfingar þar skammt á eftir.  Margt getur gerst en fimm verðlaun í boði í punktaflokki.

Heildarstöðuna í öllum flokkum má síðan nálgast hér á heimasíðu okkar undir liðnum mót.  eða bara á þessari slóð:

https://golfisa.is/mot/

 

image

Meistaramót GÍ - Hjálmar Jakobsson og Bjarney Guðmundsdóttir klúbbmeistarar

Meistaramót GÍ 2024 fór fram dagana 10. - 13. júlí.  43 keppendur voru skráðir til leiks í 7 flokkum.  Metþátttaka en elstu menn muna ekki eftir annari eins þátttöku í meistaramóti.  Erfitt veður var fyrstu þrjá dagana, mikill vindur en lokadaginn var loksins almennilegt golfveður.

Keppt var í eftirfarandi flokkum og voru úrslit:

1. flokkur karla

1.  Hjálmar Helgi Jakobsson    304 högg

2.  Ásgeir Óli Kristjánsson        311 högg

3.  Viktor Páll Magnússon        319 högg

 

1. flokkur kvenna

1.  Bjarney Guðmundsdóttir    374 högg

2.  Sólveig Pálsdóttir               387 högg

 

Unglingaflokkur 

1.  Grétar Nökkvi Traustason    208 högg

2.  Pétur Arnar Kristjánsson     219 högg

3.  Tómas Orri Baldursson        224 högg

 

Öldungaflokkur

1.  Vilhjálmur Gísli Antonsson   179 högg

2.  Óðinn Gestsson                  188 högg

3.  Tryggvi Sigtryggsson           199 högg

 

2. flokkur karla

1.  Guðni Ó. Guðnason              353 högg

2.  Jakob Tryggvason                 370 högg

3. Guðjón Ólafsson                    373 högg

 

2. flokkur kvenna

1.  Hanna Mjöll Ólafsdóttir          213 högg

2.  Guðrún Á Stefánsdóttir          219 högg

3.  Heiða Björk Ólafsdóttir           227 högg

 

3. flokkur karla

1.  Endre Koi                              233 högg  (eftir bráðabana)

2.  Benedikt Hermannsson           233 högg

3.  Anton Freyr Traustason           238 högg

 

Heildarúrslit í mótinu er svo hægt að nálgast hér á golf.is:

https://golfbox.dk/livescoring/tour/?language=1039#/competition/4422875/results

 

image

Fiskvinnslan Íslandssaga 25 ára

Á laugardaginn kemur fer fram mót í sjávarútvegsmótaröðinni, Íslandssögumótið.

Fiskvinnslan Íslandssaga heldur upp á 25 ára afmæli um þessar mundir og í tilefni af því mun Íslandssaga færa Krabbameinsfélaginu Sigurvon styrk eftir árangri kylfinga í mótinu.  Hefur Íslandssaga heitið á kylfinga og mun greiða kr.

10.000 fyrir hvern fugl.

50.000 fyrir hvern örn.

100.000 fyrir holu í höggi.

Hvetjum kylfinga til að skrá sig tímanlega, skráning á golfbox.

 

Um liðna helgi fóru fram tvö mót í sjávarútvegsmótaröðinni, Oddamótið á Patró go Arnarlaxmótið á Bíldudal.

Úrslit í mótunum má finna hér:

Oddamótið

Arnarlaxmótið

 Stöðuna í mötaröðinni eftir flokkum má síðan finna hér á heimasíðu GÍ:

https://golfisa.is/mot/

 

image

Bændaglíman, uppskeruhátíð G.Í.

Uppskeruhátíð Golfklúbbs Ísafjarðar, Bændaglíman, var haldin á Tungudalsvelli s.l. sunnudag. Bændaglíman er golfmót þar sem skipt er í tvö lið og keppt er í Texas, betri bolta og samanlögðu. Formaður klúbbsins velur í annað liðið og formaður mótanefndar í hitt liðið. Keppnin átti að fara fram á laugardegi en þurfti að fresta því um einn dag vegna veður.

Það voru 44 mættir til leiks og spilað í ágætu veðri, níu holur. Keppnin gengur út á að vinna holu þar sem tveir eru á móti tveimur. Þetta er sama fyrirkomulag og notast er við í Ryder keppni Bandaríkjanna og Evrópu. Startað var út á öllum teigum jafnt.

Hart var barist en niðurstaðan varð sú að lið formans hafði betur, þar sem hans lið vann fleiri holur. Að loknu móti var sest að snæðingi í golfskálanum, dýrindis lambakjöt frá Hótel Ísafirði. Veislustjóri var Finni Magg, og stóð sína vakt með sóma.

Glímuna man ég miklu enn,
– mörgum þótti’ að gaman, —
er lærðir sína’ og leikir menn
leiddu hesta saman.
Bændur Páll og Glímu-Gestur, –
Grímseyjar hinn fyrri prestur.

Grímur Thomsen

Nýlegar fréttir